Liem U Dr. Jemino, jan ha baroh ki Constituency ka liang sorkar

Shilong: Ha ka jingpynbna ia ka result MP na ka Shillong Parliamentary Seat myn hynnin ka sngi, u kyrtong ka Seng Congress U Ma Vincent H.Pala u la ioh ka jingjop donburom.Haba peit na ka result la lap ba u Ma Vincent U la jop na ki 32 tylli ki Constituency.
Kaba pynlyngngoh shuh shuh ka long ba u la jop wat na ki constituency ba mih khmat da ki Minister ka sorkar jylla ruh.Na Nartiang ka Constituency ba la bat da U Ma Sniawbhalang Dhar u ba long ruh U Minister ka sorkar Jylla, pynban U Doktor Jemino u ioh tang 8584 votes, katba U Ma Vincent, u ioh 14773. Na ka Shella constituency ba mihkhmat da u lamphang Dorbar u Doktor Donkupar Roy, hynrei u Doktor Jemino u la ioh tang 6407 vote, katba U Ma Vincent, u ioh 9752 vote.Haba peit pat na ka Pynursla Constituency ba mih khmat da u Symbud Myntri Rangbah ka jylla na ka seng NPP u Bah Prestone Tynsong,u Doktor Jemino u ioh tang 9451 vote, katba U Ma Vincent u ioh 10647. Ha Mairang Constituency ba la mihkhmat da u Bah Metbah ba long artad U Myntri ka sorkar, U Doktor Jemino u ioh 11928 vote, katba u Ma Vincent u ioh 12638 vote.Na Sohiong ba la mihkhmat da u Bah Samlin u ba long ruh u Myntri sorkar, U Bah Jemino u ioh 8158 vote, katba U Ma Vincent, u ioh 10065, na ka Mylliem Constituency ba la bat da u Bah Hamlet Dohling ba long ruh u Myntri ka sorkar u Doktor Jemino u ioh 5974 vote bad U ma Vincent, u ioh 11556.Bad na ki ba bun tylli ki Constituency ba la mihkhmat da ki paralok ha ka sorkar MDA u Doktor Jemino Mawthoh u la shah rem jan baroh.