Nga pdiang ia ka rai u paidbah: Jemino

Shillong: U kyrtong MP ka kynhun Meghalaya Democratic Alliance (MDA) ba iakhun na ka shap ka UDP, u Dr Jemino Mawthoh u la pdiang ia ka rai jong ki paidbah hadien ba u la shah rem ha u kyrtong ka Congress u bah Vincent H Pala ha kane ka elekshon MP sha ka Lok Sabha ba la pynbna myn hynnin ka sngi.
“Nga pdiang ia ka rai u paidbah”, la ong u Dr Jemino haba kren mynta ka sngi.
U la ai khublei ia ki nongtrei ka party, ki paralok ba donlang ha ka MDA kiba la trei shitom watla ym pat lah ban poi sha ka thong.
“Baroh ki la iatrei shitom bad ngi hap ban pdiang ia ka rai jong u paidbah”, la ong u Dr Jemino.
U la ong ba ka daw ka jingshah rem ka dei namar ba ki paidbah kila shah ialam bakla ha ka jingpyntieng kohtympan ha ka Congress kaba kynnoh ba iadon lang bad ka BJP, kaba pyrshah ia ki Khristan.
“Nga pdiang ia ka jingshah rem, ia ka rai u paitbah. Lada ka ri ka ai ia ka BJP, kiwei ki jylla ha kane ka thain kila ai ka rai pyrshah ia ka Congress, balei ngi hangne”, u la ong.
U Dr Jemino ula shah rem kumba 1.50 lak vote ha u kyrtong ka Congress u bah Vincent.