Kdew ki dak ki shin, kum ban thaw sorkar biang ka BJP, NDA ha Delhi

Ki dak ki shin, ki kdew, kumba ka seng BJP, kan wan phai biang ha ka bor synshar ha Delhi, namar ba ki jingkhein ki pyni ba ka BJP nalade ka ioh 289 ngut ki dkhot, katba haba khein lang bad ka kynhun NDA, ka poi sha ka 343ngut, katba ka Congress haduh mynta ka ioh 51ngut bad haba khein lang ia baroh kiba don ha ka kynhun UPA, ka la poi sha ka 99ngut bad kiwei pat ki la nang ioh sha ka 108ngut ki dkhot.

Kiwei kiba la nang wan shakhmat, ki long ka DMK ha Tamil Nadu, kaba la nang tam ha ki 22 tylli ki Constituency bad ka Trinamool Congress ha West Bengal, kaba la nang tam ha ki 23 tylli ki Constituency.