|
Shillong: Ka Hynniew Trep Achik National Movement (HANM) mynta ka sngi ki la leit ban hajir ha khmat ki pulit ka Sardar Police Station halor ka jingujor ejahar ka Marba HUb pyrshah ia ka seng HANM.halor ka jing leit jurip jong ka seng ia ka jaka leit pynjhieh ka ba shim dor palat ha Marba Hub.
Na ka liang u secretary jong ka Anti Influx Operation Cell u bah John Sangma u la ong “Lada ka tnad pulit bad ka sorkar kam ju peit kum kita ki kam beain dei na ka ta daw na ka liang ka seng kam banse ban shim kum kane ki kyndon.”
Na ka liang u Chairman jong ka Anti Influx Operation Cell u bah Bobby Basaiawmoit u la ong “ na ka liang jong ka seng ngin um pynkut ia kane ka kam hangne namar ngi khlem sdang ma ngi, ngi shu leit tang ban jurip ia kaei ba ngi ioh jing ujor na ki paidbah. Hynrei maki ki la leit ujor da ka ejahar pyrshah ia ka seng ha Sardar Police Station te na ka liang jong ngi ngin sa iaid ha ka bor jong ka ain bad ngin sa leit ban ai da ka jingthoh ha u DC bad ha ka consumer forum”.
Na ka liang u Chairman u la pynrem jur halor ka jing ai ejahar thok jong ka Marba Hub bad ba ki kynnoh baka seng HANM ka la leit byrngem byrsit ia ki nongtrei jong ka Marba Hub. Na ka liang ka seng ki kyrpat ia ka Sorkar ba kan tuklar lang ia kum kine ki kam benami ha Marba Hub. kat ka jing lap jong ka seng haduh ka 21 tarik u jymmang 2019 ruh ki dang pynneh ia ka juh hi ka dor haba phi leit pynjhieh. “Jingshisha baroh ki Cinema hall ki shopping mall ki dei ban pynbiang ia ki public toilet khnang ba ki paid bah ba wan rung hangto kin suk hynrei ka Marba Hub pat kala shu shim kabu palat jing thmut jong ki ka long tang ban ioh lum pisa beain,” la ong u bah Bobby.
|
Phi don ban ong eiei?