Syllad ka eriong ha Garo hills

Shillong,30 Iaiong:
Ka eriong kaba jur ka la syllad ha ki thain ka South West Garo hills, ha ka miet sngi u Blei ha kaba katei ka jingjia ka la ktah haduh kumba mar shiteng ki shnong kiba do katei ak district. Napdeng kiba la shah ktah baroh 33 tylli ki shnong ki dei kiba la julor tam na katei ka jingjia, bad 70 tylli ki ing ki la julor lut phom.
Ka lyer kaba jur, ryngkat ka jingbom pyrthat bad ka lei lieh, ka la rat haduh 30 tylli ki shnong ba hap hapoh ka Betasing Block, ha kaba 48 tylli ki ing hapoh katei ka Block ki la julor hi phom, katba ha Zikzak Block, 3 tylli ki shnong ka Salmanpara, Boldakgre bad daw ka jingshah rat ha ka lyer.
U Deputy commissioner ka South West Garo Hills u Ram Singh, hadien ba u la ioh jingtip ia katei ka jingjia u la hiar jurip mar-mar sha ki jaka ba la shah ktah, ha kane ka sngi hat majai, bad hadien ba la pynlong ia ka jingjurip u la phah ia ka kaiaphod sha ka sorkar jylla ban ai bailut ksan ia ki longing ba shah ktah.
Kham ha shuwa ia kane, ar ngut ki Block Development Officer ki ar tylli kitei ki Block ki la leit ban jurip ha la ki jong ki jong ki Block bad ki la khein ruh ia ki jinglutksan ha katei ka jingshah pynuulor ha ka mariang.