Shillong: Ka Umroi Block Youth Congress Assembly (UBYCA) ka la pynbna ba kan don ka prokram ai jinghikai (Integrated Coaching) na bynta ki eksamin kam sorkar ba bun jait ha ki tnad treikam bapher bapher jong ka sorkar jylla bad sorkar kmie.
Kane ka dei ruh ka prokram ba nyngkong eh na ka liang ka ophis u MLA ka Umroi Konstitwensi lyngba ki skhim ban kyntiew ia ki samla. Ki don tang khyndiat tylli ki jaka kiba lait bad kiba pyniasoh sha kane ka prokram kin ioh ruh ia ka baibam (scholarship).
Ka tarik ban pdiang ia ki aplikeshon kan long ha ka 24/05/2019 bad 25/05/2019 naduh ka por 11 baje mynstep haduh 4 baje janmiet. Ia ki aplikeshon hap ban pynpoi ha ophis jong u MLA kaba ka Umroi, Laban Saro.
Kumban shu kdew hangne, kiba lah ban iashim bynta ha katei ka prokram ai jinghikai kin long tang ki nongshong shnong jong ka Umroi Konstitwensi kiba la pyndep ia ka klas X shaneng, kiba la dap 17 snem 6 bnai (haduh u K’Lyngkot 2019) bad khamtam kito kiba thrang ban iakhun ia ki eksam kam sorkar kum ki DSC, MPSC ter ter. Ban ioh jingtip shuh shuh halor katei ka prokram bad ka jingsiew, lah ban ‘phone’ ha ki nombor – 8722927871.
Phi don ban ong eiei?