Shah kem lai ngut, kiba donkti khaii droks

Shillong,29 Iaiong:
U Superitendent of Police East Khasi Hills u bah M.Kharkrang u la pyntip ba mynta u bnai ki la don bun tylli ki case kiba ia dei bad ka kam tuh ba la rejistar ha Laitumkhrah PS, kaba kynthup ia ka jingshah tuh Laptop/PCs bad kiwei. Halor kate ka jingjia kaba la jia khah ki pulit ki la buddien bha khamtam ia ki briew kiba dang shu lait jamin dang shen namar ka kam tuh.
Ha katei ka jingbud dien u SP u la iathuh ba ki pulit ka Laitumkhrah hapoh ka jingialam u Inspector N.Thohrem, O/C Laitumkhrah ki la kem ia u Ricky Swer 27 snem karta uba shong ba sah ha Fire Brigade, bad u dei uba dang shu lait jamin ha u rymphang, bad na ka jingialam jong u la ioh kem ia ki briew kiba la shimti

ia ki tiar kiba ki nongtuh ki la tuh. Da ka jingialam u Ricky ki pulit ki la kem ia u Jerry Maya Dkhar uba shong basah ha Polo bad ka Grace Khaute na Demthring, Shillong, haba la khynra ki pulit ki la lap ia ar tylli ki tin duma golden kiba don ia ki kynja dawai ba la suba jur ba u lah ban dei u drok.Haba la tohkit da ka Anti Narcotic Task Force , ki la lap biang sa 5 duma tin u tei u juh u dawai ba la suba ba dei u heroin. Na kitei kiba la shah kem ki pulit ki la ioh kurup 5 tylli ki laptop bad kawei ka LCd Monitor.
Na katei ka jingjia ki pulit ki iathuh ba ki nongtuh kiba la kynrei ha ki thain ka Laitumkhrah bad ha kiwei ki jaka ki dei kiba kyrni ha ka dih drok, bad ki tuh ia ki tiar ba remdor ban ia bujli bad ki drok na ki nongkhaii drok.