Pyrshah u MLA ka Sohra, ba khang tih dewiong krem khnai

Shillong, 29 Iaiong:
U MLA ka Sohra u Bah Titosstarwell Chyne u la pyrshah ia ka rai ban khang tih dewiong thliew khnai namar ka ktah ia ki paidbah ki ba duk ba suk namar ba ki im ja na kane ka kam tih dewiong.
Ka National Green Tribunal (NGT) ka la khang pyrshah ia ka jingtih dewiong ha kane ka jylla namar ba ka don ka jingma bad kane ka jingkhang pyrshah ka la pynkhih win ia ki trai par bad ki malik dewiong.
U MLA ka Sohra u la ong ba ka sorkar jylla ka dei

ban iakhun pyrshah ia kane ka jingkhang tih dewiong jong ka NGT (thliew khnai).
“Ki briew jong nga ha ka thain Sohra kiba im na kane ka kam kin iap thngan lada khang ban tih dewiong namar kane kadei ka kam kaba ki la trei naduh mynshwa”,laong u Bah Chyne.
U la ong ba wat ha ka Mining Policy jong ka jylla kam shym la khang ban tih dewiong tliew khnai hynrei ka jingkhang kane ka NGT ka la ktah jur ia ki paidbah khamtam kiba duk.
Lah ban kdew ba ka seng ki trai par bad malik dewiong na jaintia Hills ki la rai ban iakhun pyrshah ia ka jingkhang tih dewiong thliew khnai ka NGT ha iing Kashari.
Bun ki MLA na Jaintia Hills ruh ki la kyrshan ban pyrshah jur ha kane ka jingkhang ban tih dewiong.