Lah ban ai PIL ka UDP, ba lip ding

Shillong,29 Iaiong:
Ka United Democratic Party ( UDP) mynta ka sngi ka la lum paidbah da kaba pynlong ka jingiashong kyllain mon gor ha phyllaw ka Additional Secretariat kum ka dak ka jingpyrshah ia ka jingpynlip bording kaba la palat pud hapoh ka jylla. Haba la kylli na uwei na ki nongialam ka UDP u bah Titos Chyne hato nalor ka shong kyrain bad ka jingphah memorandum, ka la biang mo ia ka UDP ba kan pyrshah ia ka jing pynlip bording kaba bun bun kynta ha ka jylla. U bah Titos u la ong ba ka UDP lashai ka sngi kan sa shong pyrkhat biang ha ka jingialang jong ka sa da kino ki lynti kan pynbor ia ka sorkara ban sangeh noh shisyndon ka jingpynlip ding kaba palat pud, u la ong ba ka seng ka lah ruh ban ujor syndon da ka PIL sha ka Ingbishar ka jylla pyrshah ia ka tnad MeECL.