Yn mih noh ka NPF, na ka sorkar synrop jong ka BJP ha Manipur

Imphal: Ka  Naga People’s Front (NPF), ka la rai ban weng noh ia ka jingkyrshan jongka ia ka sorkar BJP ha Manipur. La pynmih ia katei ka jing pynbna da U TR Zeliang, nongialam ka seng NPF bad katei ka rai jong ka NPF, kan ailad ia ka Congress ba kan kam ialade ban thaw sorkar ha katei ka Jylla.

Ka NPF, ka la ju kynnoh ba ka sorkar BJP, kam ju pdiang ia ki jingai jingmut jong katei ka seng.

Ka NPF, ka don saw ngut ki MLA, ha ka iing kaba 29ngut ki dkhot bad ka BJP, ka don 29ngut ki dkhot ha katei ka iing dorbar. 8ngut na ki 28ngut ki MLA ka Congress, kiba la jop ia ka elekson ha u snem 2017, ki la phet noh sha ka seng BJP bad katei ka la ai lad ia ka BJP, ba kan kiew sha ka 29ngut. Kiwei pat ki seng, kiba don ha ka seng synrop jong ka BJP, ki long 4 na ka NPP, 1 LJP, 1 Independent bad 1 AITC.