Shah kem ba suba menshohnoh

Shillong,28 Iaiong:
Ha ka 27 tarik mynta u bnai ha ka por 9 baje mynmiet, uwei u rangbah ba la tip kyrteng kum u Bakhraw Kharryngi na ka shnong Tyrsad, u la shah kem ha ki paidbah ka shnong Mawliehpoh, bad la teh bad set ia u baroh shimiet hapoh ing skul ka Mawliehpoh LP School, Tyrsad da ka jingkynnoh ba u dei u men-shohnoh. Kham hadien la wanrah ia u sha ka shnong Tyrsad Umkseh h aka por 8:45 baje mynta ka step bad hadien ba la iohi jingtip ki pulit ki her bak sha katei ka jaka bad la ioh ba pyllait im ia u bah Bakhraw ha ka por 12 baje mynsngi. Utei u rangbah ba la shah bat ha ka shnong u la ujor da ka FIR sha ki pulit pyrshah ia u King Rani, Bantei Rani, Aikos Mary Sawkmie, Roy Rani, u rangbah shnong ka Mawliehpoh bad u Kral Rangslang, rangbah shnong ka Pomsanngut, bad u la ujor ruh ba dei kitei ki briew kiba la kynnoh men-shohnoh ia u bad ki la kynshoit ia u paidbah , Katei ka kam ka don mynta hapoh ka jingtohkit ki pulit ka Mawngap OP.