|
Shillong:Khnang ban pyllait ia ka dheng kali ha sor bah Shillong, kaba la pynsyrtok haduh katta katta ia ki nongleit nongwan, ka sorkar Meghalaya hapoh ka jingialam jong u myntri rangbah ka Jylla u Conrad K Sangma ka la shem ia kawei ka lad, kata da kaba pynlong ia ka surok na Umiam sha Mawmaram lyngba ka shnong Mawmih kum ka surok ban iaid ki nongwan jngoh kai pyrthei kiba thmu ban leit jngoh kai ia ka sohra bad kiwei ki jaka ki ba itynnad.
Ia kane la iathuh u Myntri Rangbah ka Jylla u Conrad K Sangma lyngba ka whatapp group “CMO Media” hadien ka jingleit jurip jong u ia ka ne ka lynti mynta ka sngi.
 Ia kane ka jingleit jurip la synran lang da u Secretary ka PWD U Bah P.R Marwein, u Chief Engineer, Roads u L.D Suchiang lem bad kiwei ki ophisar jong ka Tnad PWD.
U Myntri Rangbah ka Jylla u la ong ba ia kane ka surok, yn sa maramot bah pynbha ia ka khnang ba ki nongiaid lynti nangne kin suk ha ka leit ka wan jong ki, khamtam namar ka long ka jaka ka ba itynnad bad kaba lah ban iohi kyrhai ki jing aiei jong ka mariang.
Kane ka surok ka iaid na Lad umsaw sha Mawlyndep, Mawmih bad kan poi ha Mawmaram, kaba dei u pud jong ka East bad West Khasi Hill District ka jngai kumba 40 kilometer eiei.
|
Phi don ban ong eiei?