|
Shillong: Ia ka Inter State Bus Terminus (ISBT) ka ba don ha Mawlai Mawiong rim ynsa plied noh da kumno kumno ruh ha u bnai Nohprah 2019. Ia kane la iathuh da u bah P T Sawkmie u MLA ka Mawlai Constituency ha ka jing leit jurip ia kane ka jaka mynta ka sngi.
 Ha ka jing jurip jong u MLA kane ka thain la shem ba ka jing pyntrei ia kane ka steshon bus ka ba long kawei na kiba heh bad ba nyngkong jong ka jylla,ka dang iaid shaid shaid bad ka sah sa tang 20 % eiei.
Lah ban pynkynmaw hangne ba ia kane ka project la sdang ban trei naduh u snem 2014 bad namar ba u myntri ka tnad transport la kular ba kane ka station bus kan sdang trei kam mynta u bnai Jymmang 2019 hynrei namar ba kam shem la urlong kumta u la pynlong ia ka jing jurip ha ka sngi.
Ha ka jing ia kren bad ki lad pathai khubor u MLA ka Mawlai u bah PT Sawkmie u la ong, “Kane ka project ka la khamslem bad lada ngi shu ieh kumto nga tharai kan nang slem shuh shuh.”
“La khmih lynti ba ka jing dep jong kane ka ISBT kana ai kam ia shibun ki samla ki ba niah kali kamai namar ba baroh ki bus kiba wan na shabar kin hhap sangeh hangne bad ki passenger kin hap shong da ki local ban rung sha Nongbah”.
|
Phi don ban ong eiei?