Beh seng ka HNPM ia u nongialam

Shillong,28 Iaiong:
Ka seng Hynniew trep National People Movement, HNPM ha ka Executive Committee jong ka ka la rai ba beh seng ia u nongialam jong ka u bah A.K Gashnga, uba ka seng ka la pynsangeh shipor ia ka jingtreikam jong u , ia katei ka rai ka HNPM ka la shim ha ka 28 tarik mynta u bnai ha ka por 11 baje. Katei ka seng ka la ai por lai sngi ia u tei u nongialam barim jong ka ban pynphai lut noh ia ki kot ki sla bad ki tiar ki tar ka seng ba la buh por naduh ka 29 tarik haduh ka 1 tarik u bnai ban wan, ka la thung ruh ia u nongialam ba thymmai jong ka u bah S.Thabah, ka la pynbna ruh ba u bah SK Jana u la sangeh noh shipor na ka jingtreikam hapoh ka seng.