Shillong: Ka Shillong Secondary School bad ka Gorkha Patshala School ki la long ki lahduh jong ka Inter ha ka U-14 bad U-17 Inter School Cricket Tournament 2019 ba la pyniaid da ka Shillong Cricket Association, myn hynnin ka sngi ha madan ialehkai cricket ha Polo, Shillong.
Ka Shillong Secondary School ka la pynliem ia ka Jail Road boys School da 9 wkt katba ka Gorkha Patshala ka la jop da 8 wkt ia ka RB Anup Chand School.
Haba phai ha ka jingiakhun final hadpeng ka Shillong Secondary School bad ka Jail Road boys School, ka Shillong secondary school kaba la jop ia kynting pisa ka la kam ban kawang shwa bad ai lad ia ka Jail road boys ban tied nyngkong ha kaba ka la ioh kamai 70 run bad shah pynhap noh 7 wkt ha ki 15 over.
Ka Shillong Secondary School kaba la wan wan ban beh nadien ka la poi suk sha ka thong ba la buh da 71 run bad shah pynhap 1 wkt ha ki 11 over.
Ha kane ka sngi pynkut la ioh ban sam ia ki khusnam ba kyrpang sha ki rangialehkai ba kynsai ba la noh synniang da ka Shillong Sports Association.
Ha ka thup U-14 ia ka nam Best bowler la rah da u Mithu paul (Shillong secondary school), Best batsman u Rahul Barman (Jail Road Boys), Best wicketkeeper u Adit Raman (St Edmunds School), Man of the match (final) bad Man of the Tournament la rah da u Sumit Paul (Shillong secondary school) bad ia ka nam Best Disciplined Team la rah da ka Shillong Secondary School.
Ha ka U-17 Babu Ondromoni Dkhar Memorial Tournament, kiba ka khur khusnam shimet ki long ia ka nam Best bowler la rah da u Roshan Sharma (Gorkha Pathsala), Best batsman u Saumyadeep Bhattacharjee (KV upper Shillong), Best wicketkeeper u Karan Jaiswal (Gorkha Pathsala), Man of the match final u Sonu Alam (Gorkha Pathsala), Man of the Tournament u Sudhir Sahani (RB Anoopchand HS School), Most Promising player u Sudip Singh (Jail Road Boys HS School) bad ia ka nam Best Disciplined team la rah da ka Saints Diocesan HS School.
Ha kane ka sngi, la sakhi da u Deputy Director, ka tnad ialehkai ka Jylla u Jasper Marak u long u kongsan ban sam ia ki khusnam sha ki kynhun ba jop ha ka jingdonlang u bah Daniel Dann, DSO, EKH bad la sakhi lang ruh da u Eugeneson Lyngdoh, u rangialeh kai phutbol ka Ri na kane ka jylla, u Nava Bhattacharjee, Secretary ka MCA lem bad kiwei ki riew rangbah.
Phi don ban ong eiei?