|
Nongpoh: Ki Pulit ka Nongpoh Police Station, mynta ka sngi ki la leit ban shimti ia ka Metiap u Ashim Saha (33) snem ka rta, hadien ba ki la lap ba u la sdien phasi ialade ha uwei u siej uba la pynieng pynkiang ha kawei ka jaka kaba don halor tam jong ka Buidling Miracle Plaza, kaba don ha Nongpoh, Ri Bhoi. Ia ka metiap jing utei u Ashim Saha, nyngkong la lap da ki nongshong dukan hapoh jong katei ka Miracle Plaza mynta ka sngi ha ka por 9 baje ei ei mynstep, kata hadien ba ki la iohsngew ia ka jingsma pyut jong katei ka metiap. Lah ruh ban kdew hangne ba utei u Oshim Saha, u dei ruh uba shong dukan hapoh katei ka Building Miracle Plaza ha Nongpoh, hynrei u la jah rngai naduh ka 13 tarik mynta u bnai khlem da wanphai shuh sha iing, hynrei dei tad haduh hynne ka sngi ki la lap ia katei ka metiap ka jong u. Haba iadei bad katei katei ka jingjia, ki pulit kin pynlong ia ka jingtohkit bniah ban lap ia ki jingshisha baroh bad kumba long mynta hi, ki pulit ki dang ap ia ka kaiphod jong ka post mortem ban tip la ka dei ka jingshah pyniap ne dei ba u dkhat jubor ia la ka jingim. |
Phi don ban ong eiei?