Bun eh kiba pang shit, mar ia wan hiar u slap nyngkong

Shillong, 25 Iaiong:
Kiba pang shit pang pynhiar ki ju bun bha ha ka por ba wan u slap ba nyngkong jong ka aiom lyiur, la ong ki doktor na Shillong Civil hospital .
Mynta ka sngi, u Rupang u la iakren bad u joint director ka Civil Hospital, Shillong Dr M Bartha kur u la ong ba ia ha kine ki bnai, ki nongpang ki duna ba wan sah sumar ha hospital haba ianujor bad ka por ba wan nyngkong u slap jong ka aiom. “Ka jingpang shit ka jingpang pynhiar ka wan bha ha ka por ba wan u slap nyng kong ha u bnai Jylliew bad kiba dei na kylleng ki jaka ki ju wan shah sumar ha Civil hospital”, la ong u Dr Barthakur.
Ha une u bnai Jyl liew ter ter ba jur slap, ki bun bha ki nongpang pynhiar ne khieshoh bad ka daw ka long ba ki dih ia ka um ba jaboh bad kawei ka dei ka jingtuid ka um jaboh kaba lah ban kum dih da ki briew.
Kumba long ha kine ki bnai ba la dep haduh mynta, ki don kiba pang hynrei kam da long kumba ju long ha ki bnai ban wan.
Hynrei ha kajuh ka por, ka jingshit ha kine ki sngi ruh ka long kaba lah ban ioh jingpang lada ki briew ki shu shah palat. “donkam ban iada ban lait na ki jingma”, u la ong.
U la ong ruh ba ki briew ki donkam

ban shet ia ka um dih khnang ban pyniap lut ia ki khniang jingpang namar ba ka um ka dei kawei kaba lah ban wanrah ia ka jingpang lada dih kaba jaboh.
Ha kawei ka liang, u la ong ba ka jingpang khieshohrih ka duna ha kine ki sngi namar ka jingshim khia ka sorkar ban shim ia ki lad ki lynti. Kane ka jingpang ka kham jur eh ha ki khappud ba kham shit kum sha thain Ri-Bhoi, Maweit ka West Khasi bad ha Jaintia Hills ruh.