Trei ka shit kynthah ha ka thain Riwar

Shillong,25 Iaiong:
Ka jingshit ha kine ki sngi ka la long kaba la jur palat, ha kaba katkum ka jingkhein ki nongthew suin bneng mynhynin ka sngi ka sngi ha nongbah Shillong ka temperature ka la poi haduh 28 degree, ha kiwei pat ki jaka kum ka Guwahati la ong ba ka jingshit ka la poi shaduh ka 40 degree katba ha nongbah Nagpur, Maha rashtra la iathuh ba ka la palat ia ka 42 degree.
U Rupang u la wad jingtip halor ka jinglong jingman ka suin bneng ha ki thain Dawki bad War Jaintia ki jaka ba shim ba ki dei ki ba shit bha, khamtam kito ki jaka ba don ha ki thain khappud. Haba ia kren bad katto katne ngut ki riew paidbah la iathuh ba ka jingshit ka long kham palat ban ia kaba ha Sor Shillong. Ki

la iathuh ba katei ka jingshit bad ka jingrang tyrkhong ka bneng ka la ktah ym tang ia ka rep ka riang hynrei ka ktah jur ia ka jingkoit jingkhiah khamtam ki khyllung khynnah.