Ka jing pynshai ba iadei bad ka jingialang jong ki nonghikai school Adhoc ha Mawkhar

Ka jingialang jong ki nonghikai school Adhoc ka ban long ha ka tarik 18.05.2019 ha Khasi National Durbar Hall,Mawkhar,Shillong ha ka por 11.00 AM ka dei ka ba la khot kyrpang da u bah K.Shadap kum u convener hynrei ym dei satia ka ba la khot da ka JACATAM  kum ba la mih ha u kot khubor, ha ka 13.05.2019.Ym tang katta,u bah K.Shadap u la phah ruh da  ka shithi sha ka FAMASTA ka ba long kat kum ka jingkwah ki nonghikai Secondary school.Ha ka ba ia dei pat bad ka jing pynbna jong ka FAMASTA bad AMAUPSTA ban ym ia shim bynta ha ka tei ka sngi ka dei ka jingsngew jong ki ia ka ba ym lah ban pynbor iano iano ruh hynrei ka shong beit ha ka rukom pyrkhat jongki hi .Haba khot ia kano kano ka jing ialang kam mut satia ba mushlia hynrei dei tang ka jingkhot sngewbha ban ioh ia pyrkhat lang.Hynrei wat la ka FAMASTA bad AMAUPSTA  kin ym ia shim bynta ruh hynrei la sngewthuh ba ki nonghikai Adhoc kin  wan ia shim bynta shitrhem namar ba ka tei ka jing ialang ka long naka bynta ka jingbha jong baroh  ki nonghikai Adhoc ha ka jylla baroh kawei.     From Mr E.G War Organising Cum Publicity Secretary MUPSTA State Level. School