Ha u Jylliew ka jingiakren hapdeng ka Meghalaya bad Assam halor u pud u sam

Nongpoh: U Bah Hamlet Dohling, Myntri ki kam pynroi sor jong ka sorkar jylla, u la ong ba ha u Bnai Jylliew, kan sa don ka jingiakynduhlang hapdeng ki heh sorkar ka Meghalaya bad Assam, na ka bynta ban iakren bad iatai sani bha halor u pud u sam.

            U la ong ruh, ym tang ki paidbah ne ki kynhun sengbhalang kiba sngewkhia halor ka jingbymbiang u pud u sam, hynrei kane ka sorkar MDA kaba mynta ruh ka da sngewkhia shikatdei eh halor u pud u sam bad katno tam lei haba mih kum kine ki huri hura kiba ktah ia ka shongsuk shongsain.

            Utei u Myntri sorkar, u la ong ruh ba ka kam pynbeit ia u pud u sam kam dei ka kam kaba suk, hynrei watla katta na ka liang ka sorkar hi kan shimkhia bad trei tyngeh na ka bynta ban pynbeit ia u pud u sam hapdeng ka Meghalaya bad Assam.