Bitar ki paidbah ba pynlip ding,bun phew sien shisngi

Shillong, 24 Iaiong:
Ka jingpynlip bor ding ka MeCEL ka la pynbitar jur ia ki paidbah khamtam ha ka por ba dang iong-rein namar ba ka la ktah ka trei ka kam bad ka iaid ka ieng.
U nongthoh khubor u la iaid ha ki katto katne ki jaka ka sor, u la ioh sngew ia ka jingiakren bad ka jingthnum jong ki paidbah ia ka jingpynlip bording tang ha ka por 8 baje mynmiet kaba la ktah jur ia ki. “Ka jingpynlip bording dang ha ka por 8 baje mynmiet, ka la ktah ia ngi kiba shong dukan madan, kiba die almuri, namar ba ha kine ki por, ka dei ka iew ba wan bha ki briew”, la ong iwei I kong ha ka thain Maw prem. “Da ei kein ngin thang ban iohi ban khleh alumuri haba ym don light, da ka mombati ruh, ka lip mynta ba jur ka lyer”, la ong biang ine I kong.
Hynnin ka sngi ka MeCEL ka la pynlip bording naduh 8 baje janmiet haduh 9 baje janmiet bad kane ka jingpynlip khlem da pynbna paidbah, ka la pynbitar jur ia ki paidbah.
Kumba long mynta, ka jingpynlip bording ka MeCEL ka la jur bha ha kane ka jylla haduh ba la thut ki kam ki jam hynrei ki paidbah ki thnum haba ka la pynkiew pat ia ka bai bording.
Lah ban kdew ba ka sorkar ka la pynkiew bai thang bording haduh 15 percent na kaba mynta.
Ym tang katta, kane ka jingpynlip bor ding, la kynnoh, da kiba bun, ba ka dei kaba la shu pynlip kyndit bad kaba khlem da pyntip lypa, ia ki paidbah, da kaba pynbna ia ki jaka ki ban shah pynlip ding ha ki kotkhubor, khamtam ha ki kotkhubor Khasi, kiba iaid sha kylleng ka Ri Khasi Jaintia bad la shim, ba kane ka dei ka jingleh thombor bad ka leh hangamei jong ki bor pyniaid jong ka MeECL, khlem salia shuh ia ia hok jong ki nongthang ding ha ka Jylla baroh kawei.
Mynta ha kane ka jingpynling ding kaba mynta, ki nongkyndong, ki shu iohi kai ia ka ding, tang

da ki khyndiat kynta, katba ha ka nongbah Shillong ruh, ka ding ka meh bad ka lip, da ki phew phew sien, ha ka shisngi, ha kaba ka jingpynlip ding, ka la poi da ki phew phew kynta ha baroh ki dong jong ka nongbah Shillong.