|
Shillong: Ka Join Action Committee Mawlai mynta ka sngi ka 9 tarik u jymmang 2019 ka la pynlong da ka jing iaid paidbah, ban pyrshah ia ka jingshah pynpyniap jong u Home Guard ha ka 24 tarik u iaiong 2019 ha ki riew thrang snam ki ba dei ki nongniah trok jong ka Company saikia.
 Lyngba kane ka jingiaid paidbah, ka JACM ka pynpaw ia ka jingbitar bad ka jingsngew khia mynsiem ia ka jing suki palat jong ka tnad pulit ban kem ia ki nongniah trok ki ba donkti ban shoh ha ban da khlad ia u rangbah Dismarlin Lyngdoh Lyngkhoi.
Ia ka jingiaid paidbah, la sdang na Basic School Mawlai Nongkwar bad pynkut ha madan phootball Mawlai Mawroh ha ka ba la wan ban shim bynta da ki nongialam ka JACM ryngkat bad ka jing donlang u MDC ka Mawlai I bah Teibor Pathaw, ki Longkmie na ka thain Mawlai bad ki khynnah skul na ki skul bapher bapher jong ka thain Mawlai.
Ha kane ka sngi ka seng JACM, ki la leit buh ruh ia ka memorandom ha u Dev Anand u ba dei ban General Manager ka tnad FCI. Ha kane ka memorandum la buh lai tylli ki jing dawa kiba kynthup ia ka jing suspon ne jing wengkam noh mardor ia u wei na ki Homeguard u bym shym lah ia u bah Dismarlin kaba pynpoi haduh ba une u rangbah un duh ia ka jingim ba kordor. Ka jingdawa ka ba ar ka long ban weng kam noh ia u Incharge ka FCI Khanapara ba um shim khia ban iarap bad leit rah ban phah sumar ia u bah Dismarlin hadien ba u la shah shoh ha ki nongniah trok jong ka Saikia Company.ka jingdawa ka ba lai kalong ba ka FCI kadei ban hukum ia ka Saikia Company baka dei ban sei madan ia ki to ki sawngut ki nong pyniap briew khnang ban aiti ia ki ha ka bor jong ka ain.
Ha ba kren bad ki lad pathai khubor mynta ka sngi u Donboklang KharLyngdoh u Chairman jong ka JACM la kyntu jur ia ka FCI ba kan maham ia ka saikia company ba lada kam wanrah ia ki tei ki saw ngut ki “GANG” sha ki bor jong ka ain, “Lym kumta kan pynlong ia ka jing ia kynad ka ba jur hapdeng ki paid nong shong ka Mawlai bad ka Saikia Company.”
U Chairman ka JACM u la ban jur ruh da kaba ong, “lada ka Saikia Company kam lah ban wan rah ia ki tei ki sawngut ka FCI kadei ban pynduh pyndam noh ia ka work order lane ka suskular iatrei kam bad ka Saikia Company. “
Ka JACM hadien kane ka la pynlong ruh ka jing thang mombati kum ka dak jong ka pynpaw ia ka jingsngewsih bad ka jingsngewlem ia ka ne ka jingjia.
|
Phi don ban ong eiei?