Ka NDA, kan nym ioh ia ka jingbiang briew nalade, hadien ka 23 Jymmang, ong u heh JDU

U Gulam Rasool Baliyavi, u nongialam ka seng Janata Dal United, u iathuh mynta ka sngi, ba ka NDA, kan nym ioh ia ka jingbiang briew nalade hi, hadien ka 23tarik Jymmang 2019 bad kumta, lada ka kwah ban thaw sorkar, ka dei ban jied ia U Nitish Kumar, myntri rangbah ka Bihar, ba un long kum u myntri rangbahduh ka Ri.

U Baliyavi, u dei u nongialam Muslim, uba iajan bha bad U Kumar bad u kam trai ba ka jingioh vote jong ka NDA ha Bihar, ka dei tang lyngba ka jingtrei shitom jong U Nitish Kumar bad kam dei satia, na U Narendra Modi.