Khreh kyntiew ka sorkar India ban long smart city ka Shillong, dang bun kiba leit shabar pathar ha Iewduh

Shillong: Ka sorkar India ka la pynkhreh shait shait ban kyntiew ia ka Shillong ba kan long kum kawei na ki smart city ha poh ka Ri India.
Halor katei ka phang, u nongthoh khubor u la pyrshang ban leit wad jingtip shaphang ka jinglong jong ka Iewduh.
Ha ka jinglap jong u nongthoh khubor,la lap ba ki jaka leit paitkhana paitbah ki don kumba 13 jaka eiei sawdong jong ka Iewduh.Bad u la ioh ban iakren bad ki nongpyniaid ha ki jaka leit shabar paitbah,ki la iathuh ba ka jingmih ha ka shi sngi shi sngi ka duna bha antad tang kumba 500 tam eiei.Bad ka dor ba la pynbeit ka long beit san tyngka na ka bynta ki ba leit pynjhieh ,bad shiphew tyngka na ka bynta ki ba leit painkhana.
Ha ba kylli ba balei ka duna haduh katta kat ka jingheh jong ki nongwan iew bad wat ki nong shong iew ka Iewduh,la ki dang don neem ki ba leit shabar pathar sha rud sha kiar bad kitei ki iathuh ba dang bun ki paitbah ki dang leit shabar pathar sha rud sha kiar lait noh kaba leit painkhana khamtam ha ka por ba la dum.
Haba la kylli ba la ka um ka pahuh ne em ba ki paitbah nong pyndonkam kin ioh ha ka jingdonkam jong ki. U Rupang u la ioh ia ka jubab ba ka um ka shu ia biang ha kaba pyndonkam bad ban theh ban lait jing sma.