|
Shillong: Lehse kan long kaei kaei ka ban pynsuk shibun ia ki paid nongleit nongwan kiba pyndonkam da ki kali kamai, namar mynta la mih sa da ki taksi thuk thuk ki ban kamai hapoh sorbah Shillong.
 Kane ka dei ka sien kaba nyngkong ban don kum kine ki kali kamai ar shaka hapoh ka jylla, ia kaba la pyniaid da ka Rapido, na Bengaluru jong ka jylla Karnataka, ka seng shimet kaba la pyniaid ia kine ki taksi thuk thuk hapoh 40 tylli ki nongbah jong kylleng ka ri India.
Ka jingthmu ba kongsan ba la buh ia kine ki taksi thuk thuk ka long ban lait na ka dheng kali kaba mynta ka lapynsyrtok haduh katta ia ki paid nongleit nongwan, khamtam kito kiba ju pyndonkam da ki kali kamai.
U Suman Acharjee, uba dei peit ia ki office ha Shillong u la ong ruh ba kane ka company ka la dep siew bai insurance na bynta ki nongshong taksi ar shaka jong ka Rapido, bad ki nongniah ia kiba la tip kum ki captain kidei kiba la jied kyrpand bad kiba tbit ban kit briew ha ki thuk thuk ban pynpoi ia ki na kawei ka jaka sha kawei pat.
Shuh shuh ki nongshong taksi ar shaka kin ioh ruh ia ki jingdeng khlieh ba la tip kum ki shower cap, ryngkat bad ki helmet kum ka lad jingiada, kaba long ruh ka ainjong ka MV Act.
Ban wai ia kine ki taksi ki paidbah ki lah ban khot lyngba ka App kaba ki lah ban download na ki playstore hapoh ki mobile phone jong ki, lada ki dei ki Android lane IOS.
Kador bai kali ka long T29 na bynta 4 kilometer.
|
Lada la pynmih da ki thuk thuk bad balei ym shem la ai da ki number plate rongstem ban ithuh ba ki dei kiba kamai, ne ka sorkar ka mut thaw business khlem da siew tax eiei ruh?? Lada kumta te ka tuh ia ka hok Jong ki taksi kamai ha shillong. Yn ngam tharai ba bun na kine ki thuk thuk kin dei ki driver Khasi kin dei hi ki khyllah jait.
Kanbha ba ka ne ka company kan buh bad ki driver kynthei ruh.namar ym dei tang ki shynrang balong pasenger.lada ka kynthei kan shong bad u shynrang kato ka mountain jongka kan tyngkhuh beit ha tyrpeng na shadien jong u.hadien pat u shynrang umlah khlem da rah jerck namar taiar kala pamchur.kane ka company ruh ngam pat ju iohi bakan khot advertise hakane ka jylla.