Nongpoh: Ban nangkyntiew ia ka kam ri sniang hapoh ka jylla, ka sorkar jylla lyngba ka tnat Animal Husbandry & Veterinary dept, ka la lah ban plie ia kawei ka Nucleus Pig Farm, ba thymmai kaba don ha shnong Kyrdemkulai ha Ri Bhoi District.
Ia katei ka Nucleus Pig Farm ne ka jaka ban ri ia ki sniang symbai, la wan ban plie paidbah da u Bah Prestone Tynsong, symbud Myntri rangbah jong ka sorkar jylla, kum u kongsan, ha ryngkat ka jingdonlang u Bah Jason Sawkmie Mawlong, MLA ka Umsning, u KN Kumar Additional Chief Secretary ka sorkar jylla, ka Kong C. D Lyngwa, Dr K.B Sahkhar, Deputy Director ka AHP, ki heh ophisar sorkar na ki tnat sorkar bapher bapher lem bad ki riew rangbah jong katei ka thain.
Haba kren kum u kongsan ha kane ka sngi, u Bah Prestone Tynsong, u la pynpaw ia ka jingsngewkmen kaba khraw hadien ba la ioh ban plie paidbah ia katei ka Nucleus Pig Farm ha Kyrdemkulai, namar lyngba jong katei ka project ka long ruh kum shibynta ban nangkyntiew ia ka kam ri sniang hapoh ka jylla ki baroh kawei.
Haba batai shai halor ka jingthmu kak sorkar ban nangkyntiew ia ka kam ri sniang hapoh ka jylla, u Bah Prestone Tyngsong, u la ong ba ka sorkar jylla ia mynta hi ka la sdang ban phaikhmat sha ki kam ri jingri, ha kaba mynta lei ka la don ia kata ka jingthmu ban kyntiew ia ka kam ri sniang da ka thaw syndon da kata ka Piggery Mission ne kata ka thong ban kyntiew ia ka kam ri sniang.
Ka daw kaba la pynlong ia ka sorkar, ba kan phaikhmat sha kane ka Missiong, ka dei ba ka sorkar ka angnud ba ba kyntiew ia ka kam Ri sniang bad kaba long ruh kum shibynta ban ai mynsiem ia kito ki khun samla kiba don ia ka jingthmu ban ieng hala ki jong ki kjat.
Ha kane ka sngi la iohsngew ruh ba ka sorkar jylla lyngba ka Piggery Mission, kan sa ioh ia ka jingmang tyngka kaba T. 225 na ka bynta ban kyntiew shuh shuh ia ka kam ri sniang hapoh ka jylla ki baroh kawei bad lyngba jong katei ka jingmang tyngka, la khmieh lynti ba ka ki nongri sniang, ym ba ki lah ban pynbiang sniang tang hapoh ka jylla, hynrei ban shalan shabar ka jylla ruh kumjuh.
Ha kane ka sngi, la ioh ruh ia ka jingkren na u Bahh Jason Mawlong, ha kaba u la pynpaw ia ka jingsngewkmen ba la ioh ban plie paidbah ia katei ka Nucleus Pig Farm ha ka shnong kaba hap hapoh ka Umsning konstitwennsi. Ha kajuh ruh ka por la ioh ia ka jingkren na Dr K.B Sahkhar, uba dei ruh u Deputy Director ka AHP, ha kaba u la pynshai halor ka jingmyntoi jong ka kam ri sniang bad khamtam eh ba ki la ioh ban plie paidbah ia katei ka ka Nucleus Pig Farm kaba don ha Kyrdemkulai.
Phi don ban ong eiei?