Pynthymmai nong kitkam shnong ka Mukhaialong

Shillong: Ka dorbar shnong jong ka Mukhaialong, kaba la long hynnin ka sngi, ka la pynthymmai ia ki nongkitkam jong ka, da ka jingiashim bynta lang da baroh ki nongshnong kynthei bad shynrang samla bad rangbah.Ha kane ka jingiajied, ia ka kam Waheh Shnong, ki paidbah ki la tyrwa ia kyrteng u Hundred Phawa, uba long u Secretary Shnong barim bad ia U Rimiki Sana, uba bat ha kine lai snem, hynrei ha ka jingiajied ki paid nongshnong ki la mynjur da kaba ieng ha ki ar bynta, kata kawei ka liang kiba don shaka liang u Hundred Phawa bad kawei pat ka liang kiba don sha ka liang U Rimiki Sana.

Ha kata ka por u Pa Dolloi uba pyniaid ia kata ka jingiajied Waheh shnong, u la sakhi da la ki jongki khmat ba ki paidbah khambun, hi ki ieng sha ka ?iang jong u Hundred Phawa bad kumta u la pynbna ba u Hundred Phawa u dei u Waheh Shnong ba thymmai ka shnong Mukhaialong bad la jied ia u Hima Sana ban long ban long kum u symbud waheh shnong,Secretary U T. Sana, Asst.Secretary U D. Kyndait ,Chairman U Phool Kyndait bad ia ki dkhot pyniaidkam (Executive body)jongka Dorbar shnong kumba 12 ngut, katkum ka rukom.Ha kane ka dorbar jingiajied ia ki nongkit kam jong ka shnong ki paidbah ki la mynjur ruh ba kin trei na ka bynta lai snem. Ka jing iajied ia ki nongkitkam jong ka shnong ha kane ka sngi ka long kaba jop bad kaba iahunlang da baroh ki nong shongshnong.