Pynsangeh ka Russia, ia U President Maduro ban mih na Venezuela, ong ka US; jubor ka jingiakhun ha ka nongbah Caracas

U President  Nicolas Maduro jong ka  Venezuela, ula dep pynkhreh ban phet noh ialade shabar jong ka Ri, hynrei ka dei lyngba ka bor jong ka Russia, kaba la bthah ia u, ba un nym mih satia na la ka jong ka Ri.

U Secretery bar ri jong ka America, U  Mike Pompeo, u iathuh ba ka la don ka liengsuin, kaba ap lypa ia u, ba un leit  sah noh sha Cuba, hynrei ka sorkar jong U  Vladimir Putin, ka la bthah ba un shong beit ha katei ka Ri.

Ka jingiakhih, ka la long kaba jur shi katdei ha katei ka Ri, na ka bynta ban weng ia U President Maduro, ha kaba ia ka jing ia  khih pyrshah la ialam da U Juan Gaido, ha kaba ula khot ia ki shipai ba kin ialeh pyrshah bad ban weng noh ia U Maduro.

Ha ka jing iakhih pyrshah ha ka nongbah Caracas, la iohi ia u paidbhur, uba ia mih ha surok ban ialeh pyrshah ia ki tup ki man jong U President Maduro bad la iohi ruh ia ki shipai, kiba don sha ka liang U Maduro, kiba tur da ki tup bad tynrah ia ki paidbah kiba ieng bad kiba ia lum lang ha surok.

Na ka liang U President jong ka America, U Donald Trump, u ai ka jingkyrshan ia u nongialam liang pyrshah, ha kaba u thoh ha ka twitter jongu “Nga dang peit bha ia ka jingjia ha Venezuela bad ka  United States, ka kyrshan bad u paidlang ka  Venezuela lem bad ka jing laitluid jongki”. U Mike Pence, Vice President jong ka America, u ong ia ki liang pyrshah ba kin iaid shakhmat ha ka jing ia khih jongki, ha ka jingialam jong U Blei ‘Go with God.’