Thwet ki pulit ia saw ngut ki runar, ba pyniap ia u pulit Home Guard ha kudam FCI

Nongpoh:Ki pulit jong ka Ri-Bhoi, ki la thwet ia ki saw ngut ki runar ba la tip kyrteng kum u Sadhan Jamatia,Naba Baruah,Sono Ram,Suresh Boro, namar ki dei kiba la pyniap ia uwei u nongap pahara ha kudam ka FCI, ha 10mer, Ri Bhoi District, ia uba la tip kyrteng kum u Dismarlin Lyngdoh Lyngkhoi, ha ka miet jong ka 24 tarik iaiong.Kitei ki saw ngut ki dei kiba trei ha ka kompeni Saikia, kaba na Assam.
Kiwei pat ki lad khubor ki iathuh ba na ka liang jongka KSU bad FKJGP Mawlai unit, ki la leit ia kynduh ia ki heh jongka FCI bad kyrpad ban thep kam noh ia uwei u ba ha iing jong utei u pulit home guard, khnang ba kan khamsuk ka kurim jong u namar ka hap bsa hi ia ki 5ngut ki khun bad iba rit duh i dang 3bnai ki la ong.