Sngewiahap ka TULBA Sohryngkham Unit ba pynrem ki Samla ka thain ia ka jingpynlip bording

Ka TULBA Sohryngkham Unit ka sngewdei ban ai ka jingkyrshan lem ia ia ka kyrwoh ba la phah da ki Samla katei ka thain bad ba la pynmih lyngba u Rupang myn ha ka sngi kata ka 24 tarik mynta u bnai 2019, ha kaba iadei bad ka jingpynlip bording ba khah khah bad bym shongnia jong ka Me.PDCL ha Sohryngkham. Ka Seng ha kiba bun ki kam jong ka ban kyntiew ia ka sum ka sain ka roi ka par khamtam ha ki thain nongkyndong, ka ju iakynduh ia ki paitbah na ka por sha ka por bad la iohsngew ruh ia ka ud ka nam uba bun ba lang. Ha kane ka kynti ruh la pynsngew ha ngi ka Seng ia kane ka jingleh bymsuidniew na kane ka tnat treikam kaba la pynlip bording haduh arsien shi sngi kata naduh 9 baje mynstep haduh 12 baje mynsngi bad 7 baje haduh 8 baje mynmiet. Kane ka la ktah bad pynthut shibun ia ki kam ki jingtrei kiba bun la hap pyndonkam da ka bording elektrik. Kumta ka Seng ka shim kane sien jam ban ia tynrong lem ia ka khia ka shon jong kane ka thain da kaba buh ka jingkyrpad rit ba phin sngewbha ban pynduna noh ka por pynlip ding bad ruh tang shisien shi sngi kumba long lem sha kiwei ki jaka ruh. Ngi kyrmen ba kane kan treikam noh mardor lem kumta ka Seng kam banse ban shim pat da kiwei ki lad ki lynti ban pynioh ia ka hok ba dei jong u paid nongshong shnong ka Sohryngkham hi baroh kawei.

Malcolm Kharpran, Secretary