Shillong: Ka klob ialehkai ka Indian Super League ka Bengaluru FC kan pynlong ia ka jingjied nongialehkai ha kane ka nongbah jong ka U-13 bad U-15 na ka bynta ki khynnah shynrang ha madan MFA, Polo Shillong naduh ka 1-4 tarik Jymmang.
Kiba kwah ki dei ban wan ha ka por 11am haduh 5PM ha madan MFA ha kaba ia ka Form dei ban wan shim lashai ka sngi na ophis ka Meghalaya Football Association kaba don ha madan Jawaharlal Nehru Stadium, Polo Shillong.
Ka jingpyrshang ia ki U-15 kan long ia kito kiba kha hapdeng 2005 bad 2006 bad kan long ha 2 tarik ha madan ka MFA naduh ka por11:00am haduh 5:00pm.
Ha ka 3 tarik, ka jingpyrshang ia ki U-13 kan long ia kito kiba kha hapdeng 2007 bad 2009 naduh ka por 11:00am haduh 5:00pm.
Kito kiba la shah jied ha ka jingpynialehkai ne pyrshang ba nyngkong kin hap ban wan biang ha ka 4 tarik hapdeng ka 6:00am bad 12 noon.
Ki klob, ki skul, ki seng ki lah ban phah ne ialam ia ki nongialehkai sha kane ka jingpyrshang tangba ki dei ban biang ka rta jong ki khynnah. Ki dei ruh ban wanrah ki kot ki sla kum ka syrnot skul, ki dur, Aadhaar, syrnot sngi kha (original) ha ka por ba ai kyrteng. Ia ki jingtip ba kham bniah phun ha I kong Ibaiahun Kurbah ha u 9436796417
Phi don ban ong eiei?