4 Jymmang, yn iakren bor ding ha Mawsynram

Shillong: Ka Citizenship Forum hapoh ka jingialam u Samla Banshai Marbaniang ha ryngkat da ka jingiatreilang bad ka HYC Mawsynram Circle ka khot ka iawer ia baroh ki Rangbah Shnong, ki Mulor lem bad kiwei kiwei ki riew rangbah kynthup ruh haduh ki khun samla kynthei bad shynrang kiba shong ba sah hapoh u pud u sam jong ka Mawsynram C&RD Block lem bad kiwei ruh ki shnong kiba marjan kiba dang hap hapoh ka jingkhmih jingpeit jong ka MeECL Mawsynram Sub-Division ba kin iapoi khlem pep shapoh ka jingialang kaba la pynbeit ha ka 4 tarik u Jymmang (May) 2019 ka ban long hapoh ka Hall jong ka Mawsynram Higher Secondary School (MHSS) naduh ka por 12 baje mynsngi.
Hapoh kane ka jingialang ngin ioh ban iatai bad phylliew jingmut na bynta shibun kiei kiei ki mat kiba kongsan naduh ka jingpyndonkam ia ka bording elektrik bad ruh kiwei ki bynta kiba kynthup ha ka liang jongka roi ka par lyngba ka jingkhmih jingpeit jong ka Sorkar Jylla.