Thaw ia ka Synjuk ki nongrep Mawlai Pyllun

Shillong: Kum shi bynta ban kyntiew ia ka rep ka riang jong ka thain Mawlai bapher bapher u MDC ka Mawlai u bah Teibor Pathaw u la lum ia ka jingialang ha ka 27 tarik u iaiong 2019 ban peit ia ka bit ka biang bad ban wad lad lynti ban wanrah ki lad jing myntoi na ki lad sorkar.
Ha kane ka sngi ladon lang ki nongialam ka M19 SSO kynthup ia ka women’s Wing bad Youth Wing, ha ryngkat ki briew pawkhmat ka shnong Mawlai.
U bah Teibor Pathaw u ba la ai ia ki symboh jingtip bad ki lad ki lynti bad kular ban ai ka jing ia trei lang ban iarap haba ki ia kynduh jingeh bad pan ruh jingia trei lang ban law ia ki sohkyrdot jingkhuslai kaba Kila dep ban mad jingeh.
Ki shnong ki ba wan ban shim bynta ha kane ka sngi ki long ka Umrynjah, Umjathang, Mawsiatkhnam,Nongkalew,Umsaw bad Mawtawar. Na ka liang ki nongrep ki la pynpaw ia la ki jingeh kaba ki ia kynduh kaba shu kut tang ha ki jing khuslai ha la shimet, namar ba ym don mano mano ban sngewlem ia ki jingeh jong ki . Ha kane ka sngi la thaw ia ka ” Synjuk ki Nongrep ka Mawlai Pyllun”.