Ban pynkhuid Wah Umshing, ym pat ioh jingbthah ka MSCB

Shillong, 20 Iaiong:
Ka Meghalaya State Pollution Control Board (MPSCB) kam pat ioh kano kano ka jingbthah na ka Kashari High Court ban thaw ia ka Joint Inspection Committee (JIC) ban pynthikna ia ka jing khuid ia ka wah Um shing namar ka jingshna ia ka jaka shohdoh ka Animal Husbandry and Veterinary ha Mawlai Mawiong.
“Ngin shim ia ki lad ki lynti ban peitngor hadien ba la ioh ia ka jingbthah na ka Kashari”, la ong u Bah M Allya u chairman ka MPSCB ha kane ka sngi Saitjain.
Haba kylli ba ki ar tylli ki dorbar shnong ka Maw iong Umjapung bad ka Mawiong Rim ki thmu ban ujor sha ka Kashari ban kynthup lang ia ki ha ka Committee, u bah Allya u la ong ba ka long kaba bha eh lada ki ar tylli ki dorbar shnong kin long

dkhot ruh ha kane ka committee. Lah ban kdew ba ka kashari High Court ha ka jingbi shar jongka ha ka 8 tarik Iaiong, ka la bthah ba ka sorkar jylla ka dei ban shim ia ki lad ki lynti ban nym pynjaboh ia ka wah Umshing da ka jingshna ia katei ka jaka shohdoh. Ka kashari ka la bthah ruh ia ka MSPCB ban thaw ia ka committee ban peitngor ba ka wah kam dei ban jaboh namar katei ka jaka shohdoh.