Ka jing ioh kamai kaba heh tam jong ka phlim Avengers:Endgame, kaba kot T.2,130klur

Ka phlim  Avengers: Endgame, ka la kylla long ka phlim kaba iaid iew tam ha ka pyrthei, ha kaba ka la ioh kamai sha ka T.1,186 klur ha kylleng ka pyrthei. Ka phlim, ka la lah ruh ban pynliem ia ka Star Wars: The Force Awakens, da kaba ka ioh kamai T.419klur ha ka Sngi Palei ha ka Ri America. Ka phlim Star Wars: The Force Awakens ka dei kaba ioh kamai bun eh, ka la ioh T.398 klur ha u snem 2015.

Ha ka pyrthei baroh kawei, ka phlim ka ioh kamai T.2,130klur tang hapoh ki ar sngi bad mynta la pyni ha ki 46 tylli ki iew ba heh jong ka pyrthei, ba kynthup ia ka India ruh. Ka China, ka dei kawei na ki Ri, kaba pynmih kamai bha ia katei ka phlim thymmai kaba long T. 10,75klur, ha kaba ka sdang da ka jingioh lum kaba T.747klur ha katei ka Ri.