Mynta yn shong bishar biang ka Supreme Court ia ka kam dewiong ha Jylla

Shillong: Myn hynnin ka sngi, ka Supreme Court, ka la shim bishar halor ka jingkhang dewiong ha Meghalaya bad  la sngewthuh ba ka kashari, ka la sngap ia ka mukotduma jong U Ma Lber Laloo pyrshah ia ka Dima Hasao Student Union.
La iathuh ba ka Supreme Court, kan dang shong bishar biang mynta ka sngi, ha kaba kan sngap ia kiwei de ki jing ujor na kiwei pat ki seng, kiba kynthup ia ka State Co-Ordination Committee of Coal Owners, Miners and Dealers Forum (SCCCMDF), Hima Nongstoin nalor kiwei pat.
Ka don ka jingkhmih lynti ba ka Court, kan lah ban pynmih ia ka rai jong ka lashai ka sngi bad kata ka long, katba kum ka jing kyrpad jong ka sorkar Jylla, ban pyllait noh ia u dewiong, uba dang sah shabar jong ki par dewiong.
Lah ban pynkynmaw ba U Ma Lber Laloo, ula dawa na ka Supreme Court, ba kan sangeh noh ia ka jingkhang tih dewiong ha ka Jylla, kaba la buh kyndon da ka National Green Tribunal (NGT).