Mynta yn shim rai ka HSPDP ia ka kong Fenela

Shillong,18 Iaiong:
Tang mar ia ieng ryn san ha ka jingialang ka UDP kaba la long ha Mot phran ka kong Fenela L Nonglait ka la shah beh seng na ka HSPDP, Maw thadraishan bad West Khasi Hills. Hadien ba la paw pyrthei ba ka HSPDP na WKH ka la beh seng ia ka , wut sha ing bah Hopingstone Lyngdoh ka kong Fenela ka la leit ban ia kren halor katei ka kam. Ha katei ka jingiakren u bah Hoping u la kam ba um don jingtip halor ka jingshah beh seng ka kong Fenela katba na ka liang ka HSPDP WKH pat ka la kam ba ka la dep pyntip ia katei ka kam shuwa ban beh seng sha u bah Hoping. U bah Hoping u la ong ruh ba shen ka Party kan sa khot jingialang ban ia kren khambha halor katei ka kam bad kham hadien ia ka jingialang la pynbna ba kan long la 19 tarik mynta u bnai.
Hynrei shuwa ba ka 19 kan poi ka tyllong khubor ba la ioh lum na ki nongialam ka HSPDP, WKH bad Mawthadraishan la sngewthuh ba kin ieng beit triang halor ka rai ba ki la dep shim ban beh seng ia ka kong Fenela, bad kin ym pdiang da kawei pat ka rai, namarba ki shim ba ka dei ka jingpyrshah seng jong ka bad shuwa ba kin beh seng ruh ki la pyntip sha u bah Hoping bad na ka liang jong u -u la ong ba kaei kaba ki leh ka biang beit.
Lashai ka sngi ba ka HSPDP ha ryngkat ka jingdon lang u President u bah Hoping Lyngdoh kin shim ia ka rai ba khadduh halor ka jingbeh seng ia ka kong Fenela, la kin map ne kin beh beit ia ka. Katkum ki jingiakren bad u bah Hoping kham mynshuwa la sngewthuh ba u don ka jingmut ban pyniasuk bad ban pynwandur biang ia ka kynrum kynram kaba la mih hapoh ka seng , ban wanrah biang ia ka jingiatylli hapoh ka seng.