Synjor ka rukom pyniaid ka MDC Hostel

Shillong, 18 Iaiong:
Ka Hostel ki MDC ha KHADC ka la shah kynnoh kum kawei kaba la long kum ka ktem ialeh kam sngewbha, bad kiwei kiwei kam bym sngew tynnad.
Katkum ka jingtip, kane ka jinglong lyng krang ka MDC hostel ka dei namar bym don ki rukom pyniaid ha kane ka hostel kaba la buh khnang na ka bynta ban sah ki MDC ka KHADC.
Katkum ka jingtip ba la ioh, la iathuh ba na pdeng ki 29 ngut ki MDC, kiba sah ha kane ka hostel ki long tang kumba katto katne ngut hynrei bun kiba la shu pynshong ia ki briew jongki kiba ba haiing hasem ne kiba dei ki nongkyrshan ba kham pawkhmat ha ka elekshon.
Ka por mih por rung ha kane ka hostel, ka long laitlan khlem don por eiei. Ha ka jingshisha, la iathuh, ba u don uwei u chowkidar ba peit ia ka khyrdop ban rung ban mih hynrei marwei um lah ban leh eiei khamtam haba ki briew kiba wan ki kam ba ki dei ki briew jong ki politishian suda.
Ym tang

ba ka laitlan, ka long ruh kaba dap da ki jaboh bad ki bitor kyiad hapoh kane ka hostel.
Ha ka jingshisha kum kane ka jaka kaba dei ka jaka sah jong ki nongmihkhmat ba la jied da u paidbah, dei ban long kaba kham pher na kiwei ki jaka sah jong ki paidbah namar ba ki dei ki briew kiba la jied da ki paidbah.