Shah khang ki nongthoh khubor, ha surok sha Syad

Shillong, 15 Iaiong:
Hynnin ka janmiet sngi Hatmajai ki nongthoh khubor ki dang wanphai na ka Shnong Wahswad ka ba hap ha ka Raid tynring Ri Bhoi District, ki la shah pakhang lynti noh tang ha khmat jong katei ka shnong ha ki paidbah kiba shong marjan bad katei ka shnong. Ha katei ka por la don lang ruh ka kong Agness Kharshiing president ka seng CSWO, bad ka Poonam Yadav kaba long ruh ka nong iasaid ain.
Ka daw ka long ba ki tei ki nongthoh khubor ki shah bat noh ha shiteng lynti ka long ba ki dang wan ban jurip ia ki iing kiba la shah pynjot bad pynpra ha katei ka Shnong Swad, hynrei katba dang kitei ki nongthoh khubor ki dang don ha katei ka jaka la ioh jingtip noh lyngba ka mobile phone ba ki la don ki paid paidbah naduh ka shong Lumkseh haduh Mawkynring ki dep la ap lypa ia ki ha surok.
Mar ia ioh jingtip, la pyntip noh wut wut sha u SP jong ka East Khasi Hill District ban pan jingiarap na u, bad kumjuh ruh na jong ka Ri Bhoi. Ki pulit jong ri Bhoi kim shym la lah ban poi, namar ka la kham jngai, bad u DGP, ula phah noh ia ki pulit jong ka Nongmynsong bad ki SOT ba kin wan ban ai jingiarap ia ki ha ka tei ka por.
Ha shiteng lynti kitei ki nongthoh khubor haba ki la poi ha ka shnong Lumkseh ka kali kaba ki shong la shah bat ia ki da ki paibah bad la khang da ka Bus ha khmat, hynrei tang hadien katto katne por la pyllait noh ia ki, ynda la poi biang ha kawei shnong ki leh biang kumjuh bad ki da kylli ruh ia ka kyrteng ka kong Cristable Wanniang, hynrei ka kong Agness ka la jubab ba kam dei shuh ka dkhot jong ka seng CSWO bad kam don shuh bad ki.
Ki Paidbah jong ka kitei ki shnong ki da buh ruh da ki maw ha surok khnang ba ka kali ba ki nongthoh khubor ryngkat bad ka kong Agness kam lait shuh ban iaid, bad ki da shong ruh da ki briew ha surok ban khang ia ka kali, ki paidbah ki da rah da ki dieng bad ki maw ha ka kti jong ki , bad ki rieh ia lade ha poh

khlaw bad mar syn ka tei ka kali ba ki shong ki ia mih na ka tei ka khlaw.
Hynrei ka long kaba sngewkmen ba kam don kano kano ka jingjia ba sngewsih ia baroh kiba don hapoh kali ha katei ka jia, namar ba ki pulit ki la wan poi noh ha ka tei ka jaka bad paidbah kim shym la leh ei ei shuh ia ki.