Haba kren ha ka jinglehniam Easter mynta ka sngi, U Pope Francis, u pynpaw ia ka jingsngewkhia halor ka jingshah pyniap jong ki 207 ngut ki Khristan ha Sri Lanka.
Haba kren ha ki nongwan jing ia seng, kiba don 80hajar ngut tam ha St Peter’s Basilica, U Pope, uba don 82 snem ka rta, u ong ‘Nga pynpaw ia ka jingieid thep mynsiem jongnga sha ki longiing khristan, kiba la shah hiar thma, ha ka por jong ka jing duwai jongki bad sa kito kiba iap ei, ha kane ka jingleh thombor”. “Nga duwai ha U Blei, na bynta kito kiba la duh ia la ka jingim bad nga duwai ia kito kiba mynsaw, na kane ka jingjia kaba kyndit” ong U Pope.
U heh duh jong ki pulit ka Sri Lanka, ula maham la shiphew sngi mynshwa, ba kan don ka jingther bom jong ki ehrang Islam, ha ki iingmane ba khraw ha Sri Lanka, ong ki lad khubor. Haduh mynta, ym don mano mano ba kit khlieh halor katei ka jingjia.
Nalor kitei ki 207ngut kiba iap, la iathuh ba ki don sa 500ngut kiba mynsaw, ha katei ka jinghiar thma ha ki 3 tylli ki iingmane kiba pawnam ha Colombo bad sa 4 tylli ki hotel.
Ngi pynpaw k jingsngewlem na ka bynta kito kiba la khlad noh ha ka jingshah thom ha ki riew bymman kiba la pynbthei bom ha Colombo, U Blei u tip bad iohi ia kane baroh, bad un sa ai k bainong ia kita kiba leh ia kane ka kam