Dhaka:Kawei ka khynnah kaba la tip kyrteng kum ka Nusrat Jahan Rafi, ka la shah thang ha ki runar ha jrong jong ka skul, tang na ka daw ba kam shym la treh ban weng ia ka jing ujor, pyrshah ia u principal halor ka jing leh be-ijot jong u ia ka. Katei ka jingjia, ka la jia ha ka shnong ha Feni, kaba don kumba 160 Kilometre na Dhaka.
La kem noh ia ki briew kiba donkti kiba don haduh kumba 17 ngut. Ki pulit ki ia thuh, ba uwei na ki ula ong ba u leh ia katei ka kam, kumba la phah da u principal. U SP katei ka thain, U Mohammed Iqbal ula ong ba 3ngut na kiba la shah kem kidei ki para clas jong ka Rafi. U la ong ruh ba ki la mut ban pynlong ia ka, kumba ka pyniap hi, hynrei namar ba ki shu teh da ki jain bad ki la ing noh ha ka por ba la ai ding bad ka la hap noh sha madan.
Ka Rafi, ka la ing haduh 80 percent ka met jongka bad ka la khlad ha Hospital, ha ka 10tarik Iaiong 2019.
Ha shwa ba kan iap, ka la ring lut ia ki jingkren jongka ha ka mobile, ha kaba ka la iathuh halor ka jingshah leh tohmet jongka ha U Principal bad ka la iathuh ba ha ka 27tarik Lber 2019, ka la shah khot ha U Principal jong katei ka skul bad ula ktah ia ka bunsien na ki bynta jong ka met jongka bad ha shwa ba un bat bor ia ka, ka la phet noh bak na ka kamram jongu.
Katei ka jingjia, ka la pynkhih bitar ha katei ka Ri, ha kaba ka Sheikh Hasina, myntri rangbahduh, ka la kular ba kan pynshitom ia baroh kiba donkti ha katei ka kam pyntriem.
Phi don ban ong eiei?