Pynshai ka tnat poh iing, ba ka khlem hukum ban kem ia 4ngut ki Editor na Assam

Guwahati:Ka tnat kam poh iing jong ka sorkar India, ka Ministry of Home Affairs (MHA) ha ka sngi thohdieng ka la pynshai ba ka khlem ai bor eiei ia ka sorkar Assam, ba kan kem na ban pynshitom ia ki saw ngut ki editor, namar ba ki pyrshah ia ka Citizenship (Amendment) Bill, 2016. Ki khubor ba la mih, ki ong ba mynshua ka tnat kam poh iing, ka la ai hukum ia ka sorkar ba kan pynshitom ia kitei ki editor, kumta na ka liang jong ka MHA ka la ong ba ka dei ka jing bakla halor katei ka khubor.
Kham mynshwa U Vinay Joshi, uwei na nongshong shnong, ula ujor sha ka sorkar India, ba ka jing iakhih pyrshah ia ka CAB, ka la ailad ia ki khubor pynshit bad kiba nang ai bor shibun ia ka seng kaikhlaw jong ka ULFA bad ka sorkar India, ka la pynshai ba halor katei ka jing ioh jing ujor jongki na U Joshi, ki la phah sha ka sorkar Jylla ba kan peit bad ba kan leh ia kaba donkam.
La pynkut da kaba ong, ba ki shait ioh bun tylli ki jingthoh bad namar ba kila bun kim ju peit shuh bad la shu phah beit sha ka sorkar bad ki tnat sorkar bad ka long kumjuh hi ia ka jingthoh jong u Joshi.