|
Khana babteng
Haba la poi ka sngi saitjain, u Bah Deng u la ap ia ka Lanosha ha station kali. Kumta ki la ia shong lang ha ka seat kaba hapdeng jong ka sumo ban kiew sha shillong. Kiwei pat ki briew kiba la ia ithuh ithaw ia u Bah Deng ki la kren ia u
“Bah phi dang kiew mynta mo…”
“,Hooid namar mynnin la miet palat ha jingtrei…” La jubab u Bah Deng
Don ruh hangta iwei I para shnong jong ka Lanosha ita I la kren ia ka Lanosha
“Thei phin leit sor ne…?”
“O hooid Mei Heh, ngan shu leit donkam….”la iathuh ka Lanosha
Kumta hi baroh ar ngut ki la shu ia sngap jar jar. Lait noh tang katto katne ki jingiakren. Ka jingjar jar jong ki, ym don ba ithuh ia ka jingiadei jong ki namar kumba ka paw hi, ki leh tang kumba shu ithuh ithaw.
Haba la poi ha sor bran bran u Bah Deng u la ialam na khmat bad ka Lanosha ka nang bud nadien nadien jong u. Ki la ia shong taxi ban leit sha Malki.
U Bahdeng u la pyntip sha la iing ba ki la ia poi. Kumta haba la rung ha iing u Bah Deng la pdiang sngewbha ia ka Lanosha da ka Kmie jong u bad ki hynmen kynthei jong u kiba la ap khnang ban iashem bad ka ta Ka paralok jong u Bah Deng.
“Ine kein I Lanosha I paralok jong nga…” La pynithuh biang u Bahdeng hakhmat la ka Kmie bad la ki Hynmen
“Nangta phi ia khlain Mei…”la kylli ka Lanosha
“Hooid , nga shu biang hi kumne…” La phai ktien ka Kmie u Bah Deng
“Iaphi ki khot kumno khun ha iing…?La kylli pat I Kmie u Bah Deng
“Ki khot Thei…” La jubab ka Lanosha
“,Haba kumta phi don katno ngut shi para…”La bniah ka Kmie u Bah Deng
“Ngi don tang lai ngut….baroh ki dei shynrang …” La jubab ka Lanosha
“Ka mut phi dei khun kynthei marwei…” La bynrap ktien ka Kmie Bah Deng.
Hadien katto katne ka jingia shongkai, kawei na ki hynmen u Bah Deng ka la wan khot ban ia bam ja noh.
“Ale noh ngin ia bam Hep…” La khot ka hynmen u Bah Deng.
|
Phi don ban ong eiei?