Ka iing jongngi ka don bad phi, ong U Shatrughan ban kyrshan ia ka Poonam

Ka la don ka jing ia mih paidbah ha ka nongbah Lucknow mynta ka sngi, na ka bynta ban synran ia ka Poonam Sinha, ka nongialam jong ka seng  Samajwadi Party, haba ka leit thep kyrteng ban iakhun ia ka elekshon Lok Sabbha na Lucknow.

Ka Poonam Sinha, ka dei ka kurim jong U Shatrughan Sinha, u nongialam jong ka seng Congress, kan ia khun pyrshah ia U Rajnath Singh, uba dei u myntri kam poh iing ka sorkar Jylla.

U Shatrughan Sinha, ula kren shai, ba un trei shitom, na bynta ka tnga jongu, ha kane ka kynti, wat la ula kren shai, ba un nym kyrshan satia ia kiwei pat ki bym dei ki kandidet jong ka seng Congress.  Haba kren ha ka jingialang paidbah, U Shatrughan, u ong “Ki arngut ki khun kha synrap jongngi ki don hangne. Ka jingialeh, ka dei ia ka iing hi baroh kawei, ka jing ia trei lang jong ki seng trai ha ka lama jong ka  mahagathbandhan (SP-BSP-RLD), ka mat jong ka jing wanrah ia ka jingkylla (mahaparivartan)” bad ula ong shuh shuh “Ka jing ia khun, ka long pyrshah ia ka jingleh bym hok bad ka iing jongngi, ka don ryngkat bad phi”.