|
Shillong: Ka Hynniewtrep Youth’s Council mynta ka sngi ka la pynlong ia ka jingkhynra ia ki trading laisen bad labour laisen na ki bar jylla ki ba shongdukan ha ki thaiñ iewduh.
Ha kane ka jing leit khynra, ka HYC ka la lap ba palat 200tylli ki dukan bar jylla ki bym pat pynthymmai ia ki kot ki sla hapoh KHADC.
Ha ka Jing ia kren bad ki lad pathai khubor u organising secy ka HYC u bah Gee Mawlong ula iathuh ba ha kane ka jing wan khynra ha HYC kaba la lap bad sakhi da la ki jong ki khmat ba kumba la u jor da ki trai jylla ki ba shongdukan ha iewduh ba kine ki bar jylla ki ioh shong dukan baheh da ka lynti ka bymdei, kata khlem da biang ki kot ki sla. Kumta u la ong ba ka seng kan ai por shibnai ban pynbiang ia ki kot ki sla hapoh KHADC bad ba kin lah ban plie ia ki dukan jong ki.
U la ia thuh ruh ba na ka liang ka seng kan ym shong kli kti, hynrei kan dang bteng ia kane ka jingkhynra sha kiwei pat ki jaka jong ka ri lum khasi.
|
Phi don ban ong eiei?