Ha ka politiks, jied U Jadeja ban don bad ka tnga, ym bad u kpa ne bad ka para

U Ravindra Jadeja, u nongialehkai kriket ba khraw jong ka Ri, ula rai ban iaid lang bad ka tnga jongu, ha kaba jied ia ka seng sain pyrthei ban pyniasoh bad kata ka long ka seng BJP.

“Nga kyrshan ia ka BJP (“I support BJP. @narendramodi #rivabajadeja jai hind,” tweet U Jadela bad katei ka dei hadien ba ka tnga jongu, ka  Rivaba Jadeja, ka la pyniasoh ialade sha ka seng BJP, ha ka 3tarik Lber 2019 ha  Jamnagar.

Ha ka Sngi U Blei ba ladep pat, u kpa jong U Jadeja, U Anirudhsinh bad ka para jongu, ka  Nainaba, ki la pyniasoh ialade sha ka seng Congress ha Gujarat. Ka jingthep vote ha Gujarat, kan long ha ka 23tarik Iaiong 2019, na ka bynta ki 26 tylli ki shuki Lok Sabbha na katei ka Jylla. U Jadeja, u dei uba na Jamnagar bad U Jadeja, ula shah jied ba un long u nongialehkai jong ka Ri, na bynta ka Cricket World Cup 2019.