|
Shillong: Ka Confederation of Meghalaya Social Organisations (CoMSO) ha ka jing ia kynduh lang jong ka, kaba lah long ha ka 13tarik Iaiong 2019 ha Shillong, ka lah rai ban sdang noh ia ka prokram iakhih ka jongka halor ka jingdawa na ka Sorkar Jylla ban pyntreikam noh ia ka ILP hapoh ka Jylla hi baroh kawei. Na ka liang ka kynhun ka pynpaw ia ka jingsngewkhia halor ka jingleh suki bad bym suidniew jong ka Sorkar Jylla ban wanrah noh ia ka Ain ILP na ka bynta ban iada ia ka jingrung kyrthep ki mynder ri sha kane ka Jylla, wat la ha ki jingiakynduh ba mynshuwa na ka liangu Symbud Myntri Rangbah Bah P.Tynsong u lah kular ia ka kynhun ba ka Sorkar Jylla jan pyntreikam noh kloi ia ka ILP hapoh ka Jylla.
Halor kane ka jingsngap mynthi bad jingleh sting jong ka Sorkar Jylla, na ka liang ka CoMSO kan pynlong da ka jingdeng lama iong, ha ka 23tarik Iaiong 2019 ha baroh kawei ka Jylla ha kaba ki dkhot jong ki seng bapher bapher kiba don hapoh ka CoMSO kin pyndeng lama iong ia ki riewpaidbah, kin wah lama iong ha ki kali bad ruh ban wah ia ki Flex jingthoh halor ka jingdawa ILP bad pynrem ia ka Sorkar Jylla halor kane ka bynta. Hadien kane, na ka liang ka kynhun kan sa pynbna sa kiwei pat ki prokram jingiakhih haduh ba ka Sorkar kan wanrah ia ka ILP ban pyntreikam hapoh ka Jylla. Ka CoMSO ka khot ka wer ia baroh ki paidbah ha ka Jylla hi baroh kawei ba kin ia snohkti lang bad ngi ha kane ka sngi da kaba pynpaw ia ka jingpyrshah ia ka Sorkar Jylla lyngba ka jingdeng ia ki lama iong ha ka met jong ki ne ha ki kali jong ki.
|
Phi don ban ong eiei?