Ki metiap ba ioh tam

Shillong, 11 Iaiong:
Mynta ka sngi ha ka por 7:50 baje mynstep, ki pulit ki l a lap ia kawei ka met iap jong u rangbah bym ithuh, la antad ba katei ka metiap ka dei ka jong u rangbah ba la 45-46 snem. La lap ia katei ka met iap na kawei ka Bus ha Shillong Sadar PS Complex kaba don hajan Police Hospital, Shillong. La suba ba ka jingiap jong utei u rangbah ka dei na ka jingpang, la pyndep ia kaba donkam bad ka jingtohkit ka dang iaid shakhmat.
Ha ka 10 tarik pat, ha ka por 3 baje janmiet, ki pulit ki la lap ia ka met iap jong u Michael Syngai Nongsiej, u rangbah ba kyrni dih kyiad, la lap ia ka met iap jong u na kawei ka rud wah jong ka Umkaliar ka wah kaba don ha Umpling, Shillong. La pyndep ia ki jingdonkam bad ka jingtohkit ka dang iaid shakhmat.
Ha ka 8 tarik mynta u bnai, la ioh tam ia ka met iap jong ka Smt. Morjina Bibi, kaba la jah rngai naduh ka 5 tarik u iaiong, la ioh tam ia ka metiap jong ka najan ka ing sah jong ka hi ha ka shnong Old Bhaitbari (WGH). La pynkit ia kate ka metiap sha Civil Hospital, Tura na bynta ka Post Mortem, ka jingtohkit ka dang iaid.
Ha kawei pat ka jingjia, Philip Bamon na ka shnong Rymbai u la ujor sha ki pulit ka Khliehriat PS ba ha ka 7 tarik mynta u bnai ha ka por 7 baje mynstep u la lap ia kawei ka metiap na ka par dewiong jong u bah Denush Siangshai kaba don ha Wah Slangwait (EJH).