Sngewkmen ka Hema Malini ba ia don lang u kurim, haba canvass election

Mathura: Ka Hema Malini kaba dei ka MP jong ka constituency Mathura na ka seng BJP kala ong ba ka la sngewkmen eh ia ka jingdon lang u kurim mynta ka sngi. Ha katei ka jingialang paidbah u Dharmendra u kurim jong ka(Hema) u la kyrpad ia ki paidbah ba kin kyrshan biang ia ka bad ong ruh ba ka jingkyrshan ka jong ki kan kyntiew hi ia ka nongbah baroh kawei.

Ka Hema kala sdang ia ka jing canvass ka jong ka na Mathura bad kala shong ruh ha ka tractor bad pyni bad ka dak jingjop. Ka ong baki briew kin vote iaka ym baka dei ka bollywood star hynrei ka kwah ba kan pyni ia ki kam ba leh da u PM Modi, kum ka jingwan rah ia ki scheme bapher bapher kum Ujjawala Ayushmaan Bharat Yojana bad shna painkhana bad kiwei kiwei. Mynshem bnai ka Hema Malini kala ong ba kan buh jingeh bha ia ka ri lada u Modi um wan shuh ha ka bor. Katei ka MP (Hema ) kan iakhun pyrshah bad u Mahesh Pathak na ka seng Congress bad Kunwar Narendra Singh naka seng SP- BSP. Ha 2014 ka la pynrem ia u Jayant Chaudhary jong ka seng Rashtriya Lok Dal (RLD) bad tam palat 3 lak vote.