|
Shillong: Kum shibynta ban kyntiew ia ka sab ka Phong jong ki samla ka thaiñ ha ka jingialehkai football, ka KSU Pawphlang Area Unit ka la pynlong ia ka ” 1st Mait Shaphang Football Tournament “2019, ha kaba ki la ioh ban pynhap pyrda ha kane ka sngi saitjain.
 Ha kane ka sngi, ka jingialehkai ka la long hapdeng ka Rangblang pombriew SC bad ka Ngundilang SC ha kaba ka jingialehkai kala long kaba shongshit bha ha kaba ka Rangblang pombriew SC kala ioh ban pynkhih nynkong ia ka jar ha ka minit kaba 15 bad tam da 1-0 pyrshah ia ka Ngundilang SC haduh da kut ia ka kylla step. Hadien ka jong shongthait shipor ha ka kylla mied ka Ngundilang SC ha ka minit ba 68 ka la ioh ban pynphai kylla ia ka shi kol. Hadien ka jingioh pynphai jong ka Ngundilang SC ka jingialehkai ka la nang shongshit shuh shuh ha ka ba baroh ar tylli ki team ki la ia khun tyngeh ban iohrah ia ka nam lah duh. Hynrei haduh ban da kut ka ym don nong lah ban thep ia ka kol. Kumta, na ka liang ki nong pyniaid ki la Rai ban ai da ka tie breaker ha ka ba ka Ngundilang SC kala rah ia ka nam lah duh da ka ba thep 4-2 kol pyrshah ia ka Rangblang pombriew SC .
Ha kane ka sngi u bah Carnes Sohshang, MDC ka Mawkyrwat, u la kyntu ia ki samla jong ka thaiñ ba kin long barabor ki ba trei shitom bad ban pynlut por ha ka kilan met ha ki jingialehkai bad ban kiar na ki jingdih buaid bad ki jingmlien ba sniew kaban lah ban ktah ia ka koit ka khia. La sakhi ruh ia kane ka jingialehkai da ka jing ia don ryngkat u Sordar jong ka shnong Mawiong u samla Rutherford Lyngdoh , (Genl.secy.KSU Mawkyrwat circle ) u samla John Multon Shangdiar, ( Sport.secy.KSU Mawkyrwat circle) u samla Gliterson Lyngdoh ,u samla Tanlumbor K Kharai bad ki riew rangbah kane ka thaiñ.
|
Phi don ban ong eiei?